أكد غلاك بقلبي لآخر ماتروح الروح

تعبت وخطوتي تاهت وتاهت في خطاك الروح
تعبت أنشد عن دروبك ولاادري وين وادتني

عجزت أحكي لك احساسي واترجم لهفتي بالبوح
عجزت إني أعيش بصمت إلى من طال يذبحني


يالغالي شفت هالدنيا بها ناس تجي وتروح
ماهز القلب وأحتله ياكود إنسان يسكني

حبيبي كم أنا أعاني وأقاسي من ظما وجروح
وأذوق الويل لامني بعد ماالقاك تجهلني

قسم باللي خلق ذاتي وخلى في الجسد هالروح
قسم باللي ليا من مت وصرت عظام يجمعني

قسم باللي له القدره وحافظ مصحفه باللوح
قسم باللي ليا من ضقت طلبت ارجاه يرحمني

أغليك والغلا صادق ماهو لعب وسلا ومزوح
نزل دمعي نزف جرحي وذاك الشوق عذبني

وإذا أسهرت لك عيني شكى جفن رثاه النوح
نقش دمعه على خدي كتب وشلون تحرمني

ياالغالي جالك إحساسي على صافي نقا ووضوح
كتبته قبل ما يومي تجي الأقدار ويكتبني

وإذا قلبي خطا أعذر وقول أني بعد مخطى
وإذا حبي معك قصر أمانه منك سامحني

أبكتم وأحتضر لكن بقول إنك ترى مسموح
وأبخفي "عبرتي" فعيني قبل دنياي تعدمني

وتأكد غلاك بقلبي لآخر ماتروح الروح