حبيباتي اليوم راح اعلمكم كيف تعملوا ...
فطائر أفخاذ الدجاج ..طعمها روعه وشكلها مثل فخوذ الدجاج تماما
اولا حبيباتي تعملي عجينة الفطاير اللي هي مكونه من ملح وبيض ودقيق وحليب بودره وقليل من الزيت
وخميره تعجينيها وتخمريها لمده ساعتين او ثلاث
وبعدين تروحي تعملي الحشوه اللي هي مكونه من ..
بصل وثوم
ودجاج مفروم
وجزر مبشور
ومكعبات ماجي وبهارات وكزبره
بطاطس مقطعه بشكل طولي
بيض نيء للتغميس
بقسماط
جبنة كرفت سائل
طريقة العمل ..نقلقل البصل والثوم في قليل من الزيت وبعدها نحط الدجاج المفروم لغايه مايقرب ينضج نحط
عليه البهارات ومكعبات ماجي طبعا بتكون حسب الرغبه والكميه اذا كانت الكميه كبيره
حطي بكت واذا كانت قليله حطي نص البكت
ونقلب لغايه ماتتجانس ونحط عليها مبشور الجزر ونغطي عليها ونخليها لعشر دقائق
تقريبا وبعدها نطفي النار ونحط الكزبره
حاولي ماتحطي الكزبره اثناء الطبخ لانها راح يتغير لونها ويروح طعمها
الافضل بعد ماتطفي النار بخمس او عشر دقائق
بعدها نجهز البطاطا ناخذ بطاطستين متوسطتين ونقطعها بشكل طولي ونقليها بزيت
ونحطها جانبا ونجهز كل الاغراض على طاوله وهي ..
صحن بقسماط مع شوية دقيق حتى تتماسك الفطائر
صحن اخر فيه 5 بيضات مخفوقات
والعجينه والبطاطا المقليه
وحشوة الدجاج نحط عليها ملعقتين جبن كرفت او 3 بحسب رغبتك وبحسب الكميه
بحيث تكون متماسكه مع بعض
ناخذ قطعه صغيره من عجينة الفطاير ونفردها بهذي الطريقه ونقسمها لاربع مثلثات
ونحط الجهه الاولى على الجهه الثانيه
نقطع الزايد من فوق بالسكين ونلملم الجزء المقطوع ونضغط عليه حتى تتماسك
مع بعض ولا تنفك وقت القلي
الان نغمسها بالبيض المخفوق
ثم البقسماط
ثم نقليها وتطلع بهالشكل بالنهايه
واذا حابه تعملي كميه وتفرزنيها بحافظه بنفس الطريقه لكن تحطي باسفل الحافظه
بقسماط وتغمري الفخوذ اثناء وبعد ماترصيها بالبقسماط حتى ماتلتصق عليك
ويصعب تفكيكها
وبالهنا والعافيه على قلوبكم
الوظيفة
المزآج
موضوع: فطائر فخوذ الدجاج اللذيذه 
الإثنين يناير 06, 2014 11:29 pm
