[b style="font-weight: bold; text-align: -webkit-center; "]رســـائــل عــــتــــابــــ ..
****[/b]
[b style="text-align: -webkit-auto; font-weight: bold; "]جيت ضامي فك لي باب الرجا [/b]
[b style="text-align: -webkit-auto; font-weight: bold; "]قل تفضل وإسقني كاس الأمل [/b]
يا معلم قلبي ( حروف الهجاء )
لا تروح ودرس حبك ما كمل
....
[b style="text-align: -webkit-center; font-weight: bold; "]هانت معاذير المحبّه ولا هنت
كف دمعي خلف عيني لـ عيني
وغابت مواصيل الموّده عليك أنت
دامك قطعت الصدق بينك وبيني
....[/b]
[b style="text-align: -webkit-center; font-weight: bold; "]أعيش ذكراك وأدور على طرف علم
وأموت ما ألقى سوى أشواقي التالفه
حبيتني خنتني خليتني هذا حلم
والله ليومك أنا مدري وش السالفه
....[/b]
[b style="text-align: -webkit-center; font-weight: bold; "]تعبت أكون الوحيد اللي على بالي
وأرفرف بـ غصن عيني وأفرد دموعي
حبيب قلب الغياب وجرحي الغالي
متى يدين الفرح تغرسك بـ ضلوعي
....[/b]
[b style="text-align: -webkit-center; font-weight: bold; "]أبشرك سكرت من دونك الباب
ولا عاد يشملك السكن والضيافه
إسلم وسلم لي على كل من غاب
الخاطر إليا عاف له شي عافه
....[/b]
[b style="text-align: -webkit-center; font-weight: bold; "]تعبت أوقف مع أعذارك وأسمع لك
وأنا أحسك تحس بجرحي بـ متعه
مو كل مره بعد تجريحك أرجع لك
أحيان جرحك ترى أكبر من الرجعه
....[/b]
[b style="text-align: -webkit-center; font-weight: bold; "]نبتدي بـ إحترام وننتهي بـ إحترام
ونـتـوادع وداع الليل قبل الـفجر
يوم علمتك على يدي أصول الغرام
جيت بعدي تعلمني أصول الهجر
....[/b]
[b style="text-align: -webkit-center; font-weight: bold; "]إنتظرتك والثواني حيل مُره
وإنتظار الشوق يا قلبي أمّر
وين أبلقى لـ السهر نور ومسرهّ
دام عيني ما تشوف إلا ( قهر )
....[/b]
[b style="text-align: -webkit-center; font-weight: bold; "]مو خساره فقدتي لك من جديد
قلـبي أصلاً من مزاجاتك تعب
ھان حبي في عيونك والأكيد
واقع إنك تشفي جروحي صعب
....[/b]
[b style="text-align: -webkit-center; font-weight: bold; "]تسئل عيوني متى هي حزة رجوعك
من عقب ( عاداتنا ) ما أظن تلقاني
لاعاد تبكي ( طلبتك ) رجع دموعك
إرحل وأنا بـ أتركك تكبر وتنساني
....[/b]
[b style="text-align: -webkit-center; font-weight: bold; "]ليتها راحت على صرف الظروف
بين يمكن ترجـع ، وهل يا تـرى
العمى أهون لـ عيني من أشوف
حـاجتي قـدام عيــنـي تنشرى
....[/b]
[b style="text-align: -webkit-center; font-weight: bold; "]شكراً على قِلة ( وفاك وحنانك )
مسموح والدنيا صدوف ومقادير
ما عاد هو خبرك مكانك مكانك
الغصن لا هبّ الهوى عافه الطير
....[/b]
[b style="text-align: -webkit-center; font-weight: bold; "]لا بخلتي بـ الوصال الله كريم
لا ذكرتك عام بـ أنساك بـ ليال
ولو يموت الحب بـ عيون الحريم
ما يعيش الحزن بقلوب الرجال
....[/b]
[b style="text-align: -webkit-center; font-weight: bold; "]الغياب اللي خذاك وسمّ حالي
كيف ماتقواه وأنت اللي ذخرته
لا تحط العذر في سود الليالي
وأنت حتى الليل ما عمرك سهرته
....[/b]
[b style="text-align: -webkit-center; font-weight: bold; "]ما طاح من عين المقادير إنسان
أصلاً جميع اللي بـ هالعين طاحوا
إليا إستضاقوا جيتهم قلب ولسان
وإليا تضايق صدري الكل راحوا !
....[/b]
[b style="text-align: -webkit-center; font-weight: bold; "]داخل أسوار الصدر قلبٍ يصيح
دمعته من دم وطعـونه خفا
ولا بغى راعيه يوقف ما يطيـح
ينثني عزمه على كلمـة أفا
....[/b]
[b style="text-align: -webkit-center; font-weight: bold; "]كنت أبيك وعفت رغباتي وعفتك
وجيت أبي أرتاح وأركد في مكاني
ضاعت سنيني وراك ولا لحقتك
ولا وصلت ولا تهنيت بـ زماني
....[/b]
[b style="text-align: -webkit-center; font-weight: bold; "]لا تهـل الدموع ولا يطول الكلام
إفعل اللي تبيه و سو ماتشتهي
صرت من بعد كل التضحيه والغرام
مرحله في حياتي قرّبت تنـتهي
....[/b]
[b style="text-align: -webkit-center; font-weight: bold; "]يا مدينه من بقى غيرك أصون
كل هذا الحب أوهام وكلام
من كثر ما شفت هـ العالم تخون
قمت أشك إن الخيانه مو حرام
....[/b]
[b style="text-align: -webkit-center; font-weight: bold; "]نبتدي بـ إحترام وننتهي بـ إحترام
ونتوادع وداع الليل قـبل الفـجر
يوم علمتك على يدي أصول الغرام
جيت بعدي تعلمني أصول الهجر
....[/b]
[b style="text-align: -webkit-center; font-weight: bold; "]صورتك ذكرى على الرف الحزين
رحت عني ليش وأنت تعزني
كل ما لوحت بـ أحلامي حنين
صوتك الباقي بصدري هزني
....[/b]
[b style="text-align: -webkit-center; font-weight: bold; "]وين أنت يـ اللي غيابك حيل موجعني
يبست عروق المحبه ومنت مسقيها
مليت ظلم الفراق اللي يوزعني
وذكراك من وين ما وجهت ألاقيها
....[/b]
[b style="text-align: -webkit-center; font-weight: bold; "]ما نفعني في رجا وصلك عناي
لـو يجـود الحظ ما جـاد القـدر
شوفني كل ما تمنيتك ( معاي )
أحتسب وأتخيلك كـل البشر
....[/b]