يوميات أردني

موضوع: يوميات أردني الجمعة نوفمبر 01, 2013 10:44 pm

أول ما يستيقظ الأردني من النوم

يبدأ يومه بالقول : أف ، الله يجيب خير هاليوم ! حتى قبل أن يعرف ما يحمله له من خير أو شر.. يوميات أردني T037

إذا صحته زوجته بكير، قال لها : ما بتخلوا حدا يعرف ينام في هذا البيت ! يوميات أردني T113

إذا تركته زوجته نائما ، قال لها عندما يصحو : يا "فصيحة "..ليش ما صحيتيني بدري !

إذا حكى تلفون مع البيت ، بادر بالقول عند سماع صوت زوجته أو أحد

أبنائه : غريب الخط مش مشغول ، ويدخل على الموضوع

دون مقدمات : بدكم اشي وأنا جاي ، ولا كالمعتاد ربطة خبز وعلبة لبن ، ها !.. يوميات أردني T036

إذا دخل " دكانه " ليشتري غرضا ، سأل البائع : بقديش هاضا ، وفور سماعه السعر يكون رد فعله : "ول ، غالي"! يوميات أردني T066

إذا شاف بنت حلوة بقول : يلعن أبوكي ، ما أحلاكي ! وإذا كانت كثير

حلوة بقول: يلعن أبوكي وأبو أبوكي ما أحلاكي ، وهكذا كلما

زاد الجمال كلما وصل إلى الجد الأكبر،إلى أن يصل الجد السابع.. يوميات أردني T132

قبل ما يدخل المطبخ لتناول طعام الغذاء ،يقول ، بس ما يكون بايت! يوميات أردني T035

إذا زوجته لاطفته بكلمة قال لها : وجع يخلع نيعك شو بحبك ! يوميات أردني T105

إذا ضحك على نكتة، قال بعد ما تنشق خدوده : الله يقطعك على هالنكتة ، حلوة ، عن جد ! يوميات أردني T102

إذا جاب ابنه علامة سيئة في المدرسة قال له : أهبل ، بدك تطلع بياع فلافل ، طالع لخوالك !!. يوميات أردني T029

إذا كانت علامة ابنه عالية : شو يعني جايبها إلي ، هذا كله لمصلحتك ، ما أنا بشتغل وبتعب علشانكم ، بس أن شاء الله تفلح !.. يوميات أردني T116

إذا وقعت مرته ، قال لها : اسم الله عليكي ، مالك، بتشوفيش قدامك !. يوميات أردني T056

وعندما يتسلم رسالة على هاتفه الخلوي ، قال : يلعن ...، أكيد دعاية!

وإذا رن تلفون زوجته ، قال : هه ، بلشنا !

إذا دار نقاش بينه وبين زوجته " ونادرا ما يحدث " ، في الغالب يتمحور عن : الحالة الجوية ، مطالب الأبناء ، المستوى الدراسي

للأبناء ، مصرف المطبخ "فاض" ، الغسالة تعطلت ، أجت فاتورة الماء ، ادفع فاتورة الكهرباء ، بدنا غاز.. يوميات أردني T020

إذا أبدى عطفه على ابنه، الذي بدت عليه علامات النعاس يقول له : قوم " انقبر"شوي ، أو "انخمد" ، أي نام! يوميات أردني T126

أخي القاريء .. إذا دخلت منزلا ، ووجدت الأب في غرفة الجلوس أمام محطات الأخبار ، والأم في المطبخ ، والأبناء كل في غرفته .. تأكد أنك في منزل أردني! يوميات أردني T181

حيهم الأردنيين .. هذه هي جديتهم ، وهذه هي سماتهم ، فالأردني طول عمره ثقيل ورصين ، ولم يتعلم كيف يعبر عن حبه ، ويعتبر أن التعبير عن مشاعره ضعفا .

جديتهم جعلتهم يرسمون حولهم "هالة" كبيرة، فإذا ضحك برصانه ،

وإذا تكلم وضع "الكشره" نصب عينيه،

حتى لا يعتقد من أمامه أنه خفيف ..

_________________

يعطيك الف الف عافيه

موضوع رااائع

وجهود أروع

ننتظر مزيدكم

بشوووق

_________________

هههههههههههههههههههههه

تفطس ضحك

هههههههههههههههه

شكرا على المرور

_________________

» أردني يفطر بـ 4 دجاجات و2 كيلوغرام أرز
» يوميات عضو ..
» يوميات كسول هههههههههه
» يوميات اتنين مخطوبين (ساره وعمر )