بعد توتر العلاقة الدولية بين حليمة المدحوس وزوجها المنحوس أبو عنتر خصوصا بعد النقاش الحاد الذي دار بينهما حول الويكليكس قرر أبو عنتر أن يرضي زوجته الغالية البدينة :
أبو عنتر : عارفك زعلانة يا حليمة مني ؟
حليمة : ولا زعلانة ولا شي ؟!!
أبو عنتر : بس والله الوكلكس فضح الكل .. يلا يا ستي الدنيا هيك يوم إلك وعشرين عليكي ؟!
حليمة : قولتك هيا هيك, يوم بنزعل ويوم بنرضى , وأنتو يا للرجال صعب حد يراضيكو ؟!
أبو عنتر : الله يسلمنا من بلاويكن وإحنا بألف خير ؟!
حليمة : إرجعنا تاني ؟
أبو عنتر : لا خلاص لعيونك حليمة .... إيش في قصص جديدة في ديوان الستات من أم ضياء وأم شاكوش ؟
حليمة : والله يا أبو عنتر مصر مولعة .... ؟! انتخابات والحزب الحاكم قلبها ؟! جاب مية من مية مش عارف كيف أصل.....
أبو عنتر : إش إش إِش إش وطي صوتك, سكري نيعك, ليكون حد من جيرانا من تاعون الحزب الحاكم تكلمي بصوت واطي ؟
حليمة : أول مرة أشوفك بتخاف يا أبو عنتر.! شنبك أطول منك ؟
أبو عنتر : هذه مصر خط أحمر ... وإلي بيحكي عنها بتدهور يا حليمة ... أسكتي , بنقطع لسانك, وبتلفي كل السجون بتشوفي أبو زعبل ؟!
حليمة : بس والله الي محيرني ليش الأخوان المسلمين دخلوا في الانتخابات ما دامهم عارفين إنها مزورة .
أبوعنتر : يا حليمة يا حليمة ... إحنا كنا قاعدين في الشق وبنحكي عن الموضوع, لو ما دخلو الأخوان المسلمين حيفوز الحزب الحاكم وتبين الانتخابات نزيهة مية في المية, لا... يدخلوا, ويخسروا , وتبين الانتخابات علي حقيقتها ؟!
حليمة : والله إنك فهمان يا أبو عنتورة ... يا عمي بعرف أنا مين أخذ !!! .
" أبو عنتر يبتسم فاردا عضلاته علي حليمة , بصفته أصبح خبيرا في شئون الديمقراطية والحريات في الشرق الأوسط ثم يقول :
أبو عنتر : لا ومش هيك ... أمريكا بحالها .. بتعرفيها أمريكا ؟!!
حليمة : آه في حد بيعرفش أمريكا .... تاعت الوكلكس والفضايح كلها .
أبو عنتر : بتصدقي أنو أمريكا اعترضت علي الانتخابات , وقالت عنها مزورة .
حليمة : أوووف .. الأمور واضحة للأعمى ... إذا أمريكا إلي بدها الحزب الحاكم يفوز اعترضت .. إيش نقول إحنا .
أبو عنتر : لا ومش هيك بس ... وزارة الخارجية في مصر قالت لأمريكا تتدخلوش في شئونا الداخلية ..!!
حليمة : له له له ولا ما في حد الو أمان في هالدنيا ... المهم وايش صار في الآخر يا أبو عنتر.
أبو عنتر : معقول يا حليمة ما حكيتوا في هالموضوع إنتي وأم ضياء وحسنية ..
حليمة : لا والله يا أبو عنتر, الوقت سرقنا يا دوب دوب خلصنا أمور الحارة وقصص نسوان الحارة .. ويادوب دوب خلصنا نص الحارة الي جنبنا .
أبو عنتر : تعجبني فيكي صراحتك .... ما صار اشي الحزب الحاكم فاز بنسبة مية في المية وتوتة توتة خلصت الحدوتة .
حليمة : آه إيش هالدنيا فيها عجايب ... الله يسترنا يا رب .
أبو عنتر : آمين نامي نامي يا حليمة قبل ما يودن الودان وتطلع الشمس .
حليمة : قلي كلمتين حلوات يا أبو عنتر قبل النوم .
أبو عنتر : نامي نامي يا حليمة .. إدلعي يا خبيزة في الزبادي العوج .
حليمة : هذا إلي طلع منك .. والله صدق المثل أربط الحصان عند الحمار يا بعلمو الشهيق يا بعلمو النهيق .؟
"وتدير حليمة وجهها لاوية بوزها علي الناحية المضادة لأبو عنتر ."
وتنتهي المحادثة علي نفس الخلاف السابق إلا أن تحل ؟؟.
الوظيفة
موضوع: نقاش حار بين حليمه وابو عنتر 
الثلاثاء ديسمبر 07, 2010 2:14 am
المزآج
