صدقني مايميل القلب يمك‎

صدقيني مايميل القلب يمك لو يميل بذمتي لأقطع ور يده
إنتهى معك الغرام وراح همك ذاب في جمر الخيانه ياعنيده
كنت أحسب إن الغلا في وسط دمك وأثرك ا للي بالغلا عني بعيده
كنت اقول إن الهوى لأجلي مهمك وإنك اللي في هوى روحي وحيده
كنت لامنك تبعثرتي..ألمك أجمعك حزمة فخر بِيد (؟) شديده
مايقارن فيني اقرابك وعمك والخوال ووالدينك والبديده
بس و ين الهرج ذاك وحكي فمك ضاع كنه ذاهبه والاشريده
والعهود الماضيه..ولا..لايهمك والجروح اللي من فراقك عديده
جيت أودع يوم بيّن لي متمك جيت أبطوي صفحتك طوي الجريده
إرحلي من عالمي وإبدون ذمك بأختصر لك مابقى..( بجمله مفيده )
صدقيني إنجلى بالروح غمك ولاأنتي أحزاني ولاأنتي لي فقيده
وصدقيني مايروح القلب لمك لو يروح بذمتي لأقطع وريده