أموت باللي يستحـي حتـى علـى رد السـلام

عطني ملامح عينك وخـل السوالـف والكـلام

مادام محرج ! لا يهمك / تكفي نظرات العيـون

العين ما تكذب ومنهـا ينكشـف سـر الغـرام

طفل ٍ ما يقدر يكتم أسراره عن اللـي يسألـون

لا قلت لك تحبنـي؟ أسمـع كلامـي بانسجـام

وان قلت لك مشتاق لي ؟ جاوبني بسحر الجفون

أموت باللي يستحي حتى على رد السـلام

على كثر شوقه .. يحس انه عليّه مـا يمـون

وأموت باللي لا حكى يسبـق حكاويـه ابتسـام

يعطيني من برقه قبل يعطيني من غر المـزون

حبيت من حبـك مشاويـري وحبيـت الـدوام

فيك اختلف رتم الحياه وصار له طعـم ٍ ولـون

ما همني بكرة ولا فكرت بالماضـي .. مـادام

انك معي وأبادلك حبك ،، يكـون اللـي يكـون

لا تنشغل عني وحط راسك على صـدري ونـام

ارقد على دقات قلب ٍ يحتفـل خلـف السجـون

مشاعري من لهفتي تجري عليـك بـلا نظـام

لها ليالي تزدحـم فـي قلبـي وجاهـا جنـون

خلني أعبّر لك عن أشواقـي وحبـي والهيـام

وأعطيك شي ٍ مـا قـدرت أوصّلـه بالتيلفـون

بـقبّل عيونك وأشـم أنفاسـك العطـرة وأنـام

الين أحس إني أهيم بـكون والعالـم بـكـون

أجمل محبه بالهـوى حـب البلابـل والحمـام

يضمهم عش الهنا طول العمر فـوق الغصـون

وأبشع محبه بالهوى حـب ٍ ترعـرع بالظـلام

قصة تدور أحداثها من يسبـق الثانـي يخـون

لا تزعجك دنيا التحايـل والخديعـة والخصـام

لا تبعدك منـي ومـن محبتـي شـك وظنـون

أنته بدايات الغـلا وأنتـه بعـد مسـك الختـام

يعني معك في عالم العشاق أكون أو لا أكـون

كلمااات رااائعة

مشاعري من لهفتي تجري عليـك بـلا نظـام

لها ليالي تزدحـم فـي قلبـي وجاهـا جنـون

دمت بود واحترام

تقبل مروري

أنته بدايات الغـلا وأنتـه بعـد مسـك الختـام

كلمااات رااائعة

تقبل مروري

~شُـكَـرٍاً~

أنسٍَجهآ لـكُمـ بَخيٍوٍطٍ مٍنْـ ذَهَبّ

عٍَلىّ طٍَرٍحَكُِمٍـ أإلـرٍآئٍعْ

سَلٍمتًمْـ وٍسَلٍمْـ قَلَمَكُمْـ لـٍنآآ

تَحيَتي مَعطـرٍه بأإلـرٍيآحـيَنْ أإبَعَثـًٍهآآ لـَكُـمـ

دُمـتُمْ بَخٍ ــيًٍرٍ