افتراضي بنحب بعض..بقلمى؟؟؟؟؟؟؟ اهداء خاص

حكم القدر.. كان مين قدر ..
يكتب نصيب قلبه بإيديه..
لو يوم كدب.. اللى إنكتب..
كنا حلمنا نغيّر فيه..

ح ييجى يوم ونفترق..
تروح بعيد وابعد عليك..
كل اللى بينّا ح يختلف..
ماهوش بأيدى ولا بأيديك..

بنحب بعض..
ومش لبعض..
اخرة هوانا فراق وبُعد..

لا ح تبقى ليا ..
ولا ح ابقى ليك..
انا ليا غيرك..وليك شريك..

دى نهايه محسومه..
من قسمه مقسومه..

تبعد أوى واشتاق إليك..
واتمنى اشوفك واتهنى بيك..
واحلم بلحظه ألمح عينيك..
واعيش حياتى أندم عليك..

حرام يابُعد..
تدينا بعض..
وف النهايه ماحناش لبعض..

ويكون هوانا شوق محروم..
ونكون حبايب آسى وهموم..
لا ارتاح بقربك مره ف يوم..
ولاانت تقدر ع المقسوم..

إحنا اتقابلنا ف لحظة ضعف..
احتجت حب وحضن وضهر..
جريت عليك لما لقيتك..
حسيت غرامك دنيا وأهل..

حبيت آمان إنى ابقى معاك..
وارتاح ف قربك واتمناك..

خليت حياتى محبه وود..
وقلبى فتح زى الورد ..
وطيرت بيك من فوق الارض..
وماكنتش اعرف..مش لبعض..

بنحب بعض..
ونموت فى بعض..
وآخرة داكلو مش لبعض

عطيك العافيه
منور اخوي القسم الله لا يحرمنا اطلالاتك
عساك على القوه وشرف تواجدك اسعدني حقا
سلمت يداك على ما قدمت وسلمت عيناك على ما انتقته لنا
والله لا يحرمنا عطائك
ولا تبخل على القسم بكل ما هو جديد
تقبل مروري ولك ودي وردي