هلا وغلا بجميع أعضاء منتدى مملكة الملاك
في البداية أقول ان كثير من الأعضاء سألوني كثير من الأسئلة أول ما دخلت منتداكم لكن هذا الشيء أبدا ما ضايقني بالعكس يفرحني إنهم كانوا يريدون يتعرفون علي.
وراح أعترف بكل صدق وصراحة أنا دخلت منتداكم بسبب شخص من منتداكم وهو من أفضل الأعضاء الموجودين وما راح أذكر إسمه لأني ما أريد أحرجه ولأنه هو أصلا ما توقع إني أدخل وأسجل عندكم.
في البداية أنا دخلته بسبب الفضول ولأني من عاداتي أدخل وأسجل وآخذ اللي أريده من فيديو أو أغنية أو صور أو موضوع وبعدها أنسى المنتدى ولو تقولوا لي شو أسماء المنتديات اللي دخلتيها راح أقولكم ما أذكرها من كثرها لكن ما أعرف شو اللي جذبني في منتداكم قلت يومين وأطلع لكن الحين مر أكثر من 3 شهور وأنا بعدني موجودة أشارك في المواضيع وأرد على المواضيع لا ورحت عضو مميز في المنتدى بصراحة هذا كله ما توقعته يصير معاي.
يمكن لأني لقيت عندكم الإهتمام والمساعدة من الإدارة واللي كانت تنفذ كل طلباتي , اوالاصدقاء اللي ما توقعت في يوم من الأيام إني أتعرف عليهم عندكم واللي اعتبرهم من أفضل الأصدقاء وأنا افتخر إني صار عندي أخوة من غزة فيشرفني إني أكون أخت لكم فتحياتي لكم جميعا.
في بعض الأعضاء تعرفوا علي من قريب وعرفوا شخصيتي مثلا إني أسال كثير وأسألتي ما تخلص بس كله في سبيل العلم , وإني إجتماعية وبحب الناس وأحب أكون إنسانه مفيدة أفيد غيري وأساعده وما أنتظر أي مقابل.
مرحه كثير وصريحة وهذه الصراحة عملت لي مشاكل كثير من الأعضاء فأتمنى إنهم ما يزعلوا مني اذا كانت صراحتي زعلتهم مني في يوم من الأيام.
فانا اشكر كل الأعضاء اللي قدموا لي مساعدة من قريب أو من بعيد هذا الشيء ما راح أنساه طول عمري
تحياتي للملاك و ريان وأمير الياسمينه و شيلوها بعيونكم والجنرال و زكريات الحنين وأخواتي مشكورة و برنسيسه وتالين وعشقت وحلا
أشكركم كلكم وما راح أنساكم أبدا
إذا غبت عنكم ما تنسوا أختكم من الإمارات مها
الوظيفة
المزآج
موضوع: فسحة أمل؟؟؟؟؟؟؟؟؟؟؟؟؟؟ 
السبت فبراير 04, 2012 3:11 pm
